Баргузории мурофиаи сайёри судӣ дар Ҷамоати деҳоти Вобканди ноҳияи Қубодиён бо парвандаҳои ҷиноятӣ бо моддаи 164-и КҶ Ҷумҳурии Тоҷикистон бо иштироки фаъолон, ҷавонон, занон, раисони кумитаҳои маҳаллаҳо, ходимони дин ва омӯзгорони ноҳия.

Санаи 21 августи соли 2025 дар Ҷамоати деҳоти Вобканди ноҳияи Қубодиён судяи Суди ноҳияи Қубодиён муҳтарам Ҷумахонзода Р.Ҷ., парвандаҳои ҷиноятиро бо моддаи 164-и КҶ Ҷумҳурии Тоҷикистон  дар маҷлиси ошокорои сайёри судӣ бо иштироки фаъолон, ҷавонон, занон, раисони кумитаҳои маҳаллаҳо, ходимони дин ва омӯзгорони муассисаҳои таълимии ноҳия баррасӣ намуда, дар доираи қонун нисбати судшавандаҳо ҷазои сазовор таъин кард.

Пас аз ба анҷом расидани мурофиаи судӣ, судяи суди ноҳия муҳтарам Ҷумахонзода Р.Ҷ., вобаста ба моҳияити Қонуни Ҷумҳурии Тоҷикистон «Дар бораи маориф», «Дар бораи масъулият барои таълиму тарбияи кӯдак » ва Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» баромад намуда, ба саволҳои ҳозирин ҷавобҳои мушаххас доданд.

Ҳамзамон судя бо фаъолони ноҳия вохӯрии судманд бо мақсади баланд бардоштани маърифати ҳуқуқии шаҳрвандон ва эҳсосоти ватандӯстӣ, эҳтиром ба арзишҳои миллӣ, риояи урфу одат ва анъанаҳои ниёгон ва дар ин замина пешгирӣ намудани ҳолатҳои тақлид ба фарҳанги бегона, инчунин пурзур намудани корҳои амалӣ бо мардум дар самти ташаккули маънавиёти солиму созанда ва сарҷамъона мубориза бурдан бар зидди ҳама гуна зуҳуроти номатлубу хатарнок, аз ҷумла ифротгароиву тероризм, инчунин оид ба даъвати ҷавон писарон ба саффи Қувваҳои мусаллаҳи Ҷумҳурии Тоҷикистон доир гардид.