Баргузории мурофиаи сайёри суд, дар толори маҷлисгоҳи шуъбаи маорифи ноҳияи Қубодиён бо парвандаи ҷиноятӣ бо бандҳои “а”, “в” қисми 3, моддаи 200 Кодекси ҷиноятии Ҷумҳурии Тоҷикистон бо иштироки фаъолон, ҷавонон, занон, раисони кумитаҳои маҳаллаҳо, ходимони дин ва омӯзгорони ноҳия

Санаи 18 июли соли 2025 дар толори маҷлисгоҳи шуъбаи маорифи ноҳияи Қубодиён Раиси Суди ноҳияи Қубодиён муҳтарам Мамарасулзода С.М., парвандаи ҷиноятиро бо бандҳои “а”, “в” қисми 3, моддаи 200 Кодекси ҷиноятии Ҷумҳурии Тоҷикистон дар маҷлиси ошокорои сайёри суд бо иштироки фаъолон, ҷавонон, занон, раисони кумитаҳои маҳаллаҳо, ходимони дин ва омӯзгорони муассисаҳои таълимии ноҳия баррасӣ намуда, дар доираи қонун нисбати судшавандагон Х.В. ва дигарон ҷазои маҳрум сохтан аз озодӣ ба муҳлати аз ҳашт то ёздаҳ сол таъин карда шуд.

Пас аз эълон намудани санади суд аз ҷониби раиси суди ноҳия муҳтарам Мамарасулзода С.М., оқибатҳои ба ҷамъият хавфнокии муомилоти ғайриќонунии маводи мухадир ва таъсири манфӣ расонидани он ба саломатии аҳолӣ ва генафондӣ миллат ба аҳли ҷомеа фаҳмонида дода шуда, бо мақсади иҷрои нақшаи чорабиниҳои дохилиидоравии Суди ноҳияи Қубодиён, ки дар асоси нақша чорабиниҳои Суди Олӣ тартиб дода шудааст баромад намуда, ба саволҳои ҳозирин ҷавобҳои мушаххас доданд.

Ҳамзамон раиси суд бо фаъолони ноҳия вохӯрии судманд бо мақсади баланд бардоштани маърифати ҳуқуқии шаҳрвандон ва ҳисси ватандӯстӣ, эҳтиром ба арзишҳои миллӣ, риояи урфу одат ва анъанаҳои ниёгон ва дар ин замина пешгирӣ намудани ҳолатҳои тақлид ба фарҳанги бегона, инчунин пурзур намудани корҳои амалӣ бо мардум дар самти ташаккули маънавиёти солиму созанда ва сарҷамъона мубориза бурдан бар зидди ҳама гуна зуҳуроти номатлубу хатарнок, аз ҷумла ифротгароиву тероризм, инчунин оид ба даъвати ҷавон писарон ба саффи Қувваҳои мусаллаҳи Ҷумҳурии Тоҷикистон доир гардид. Ҳамзамон вобаста ба сарфакорона ва эҳтиёткорона истифода бурдани қувваи барқ, ки яке аз масъалаҳои мубрами ҷомеа ба ҳисоб меравад бо ҳозирини ҷамъомад сўҳбату вохўриҳо иштирокчиён доир ба мавзуъҳои болозикр тариқи саволу љавоб посухҳои мушаххас гирифтанд.

Суди ноҳияи Қубодиёни вилояти Хатлон тасмим гирифтааст, ки корҳоро дар самти ташфиқу тарғиб боз ҳам хубтар ба роҳ монда, таъмини иҷрои барномаҳо ва стратегияҳои миллиро бо сифати баланд анҷом диҳад.

Иҷрокунанда,

Пристави Суди ноҳияи Қубодиён

Ҳусейнзода А.А.